678207, Российская Федерация, Республика Саха (Якутия), Вилюйский улус (район), с. Чинеке, ул. Советская, 5В

Танха киэhэтэ

Тохсунньу ыйга Сахабыт сиригэр «Таҥха» кэмэ кэлэр. Бу кэмҥэ сир аннынаа5ы уу – суллуу, сулдьу – үллэн тааҥныыр. Суллуу иччитин «сүллүүкүн» диибит. Ойбону аллардахха, уу ѳрѳ үтэн тахсар. Ону сүллүүкүттэр тахсаллар диэн итэ5эйэбит. Былыргы дьон бу тыаhы иhиллээн билгэлэнэр этилэр.

Ѳбугэлэрбит  таҥха кэмигэр  айыл5а бу дьикти кэмигэр  билгэлэнэн, инникилэрин торумнанан кѳрѳллѳрѳ. Киhи тѳрѳѳтүн кытта таҥхата  түhэр дэнэр.  Таҥха киhи  оло5ун үтүѳ-мѳкү, түhэр-тахсар сүрүн түгэннэрин быhаарар.

Тохсунньу 19 күнүгэр бэлэмнэнии уонна кыра бѳлѳххѳ  «Тохсунньу ый- Таҥха ыйа» диэн  аралдьыйыы буолан ааста. О5олор нэдиэлэни быhа  саха сиригэр  таҥха кэмигэр тугу гыналларын, таҥха ыйа туох бэлиэлээ5ин, бу кэмҥэ тугу гымматтарын  билбиттэрэ.

Тэрээhин о5олор чуораан тыаhатан, сиэл дэйбииринэн ыраастанан  заалга киирбиттэрэ. О5олор тохсунньу ый алгыhын этэн , театральнай куруhуок салайааччыта Иванова Т.С. туруорбут « Сүллүүкүттэр  сүпсүлгэннэрэ» диэн  күлүк  театры кѳрѳн сэргээтилэр.

Таҥха кэмигэр билгэлээhин диэн ханнык сэрэбиэйдэр баалларын туhунан презентация кѳрбүттэрэ.

Бу сылга миигин туох кэтэhэрий диэн иhиттэри арыйталаабыттара,«Этэрбэс хаамтарбыттара», түѳрэх бырахпыттара, сүллүүкүн  «харчылаах» мѳhѳѳччүктэринэн бэйэ бэйэлэрин кытта куоталаспыттара.

Тохсунньу 19 күнүгэр Кириhиэнньэ  бэлиэтэнэр бу күн  уу эмтиир, ыраастыыр дьайыыта күүhүрэр эбит онон ойбонтон дьон уу ылан хаhааналлар уонна ууга умсаллар эбит. Дьиктитэ диэн биир бу уу олох сыл устата сытыйбат эбит.

О5олор сибэтиэй уунан сирэйдэрин, илиилэрин суунан астыннылар.

Тэрээhин бүтүүтэ о5олор  алгыстаах    алаадьыннан күндүлэнэн тар5астылар.

 

              

 

Дата обновления страницы: 20.01.2022

Сведения об образовательной организации

Тел. доверия для детей, подростков и их родителей: 88002000122